Dəli kimi sevdim gözəl dəlini

Əl verdim yandırdı yaxdı əlimi

Seçib cümlələrin ən gözəlini

Titrəyib söylədim sözümu sənə

Sevdirə bilmədim özümü sənə...

Alışıb yanardım köz istəsəydin

Bir nəğmə olardım söz istəsəydin

Məni görmək üçün göz istəsəydin

Kor qalıb verərdim gözümü sənə

Sevdirə bilmədim özümü sənə...

Həsrəti vüsalı qoşa sevdirdim

Üşüyən əlimi qışa sevdirdim

Yalın ayağımı daşa sevdirdim

Tanıda bilmədim izimi sənə

Sevdirə bilmədim özümü sənə...

Alışıb yanardım köz istəsəydin

Bir nəğmə olardım söz istəsəydin

Məni sevmək üçün göz istəsəydin

Kor qalıb verərdim gözümü sənə

Sevdirə bilmədim özümü sənə...